Joan Hambidge het 60 geword in September 2016. Ons neem ’n blitsreis deur 20 bundels en meer as 600 gedigte in ’n 60-minuutvertoning. Die reis bevat “geordende onthoue” van Hambidge se ouers en familieskap, en staan stil by die liefde, eensaamheid, digterskap,metafisika, reise en die dood. Haar digkuns tree in gesprek met digters soos Johann de Lange en TT Cloete.

Toonsettings deur Olga Leonard en Babette Viljoen, met musikale regie deur Lize Beekman.

Die produksie is tydens Aardklop 2016 (Potchefstroom) en Digtersfees 2016 (Wellington) aangebied met Pierre-André Viviers as regisseur. Hy was ook verantwoordelik vir die stelontwerp. Alanka Craffert was die verteller.

Tydens Woordfees 2017 word die produksie in ‘n ander formaat op die planke gebring, met Lize Beekman as voorleser.